საქართველოს სამეცნიერო - საგანმანათლებლო კომპიუტერული ქსელების ასოციაცია - გრენა შეიქმნა 1999 წლის 26 ივლისს და წარმოადგენს რეგისტრირებულ კავშირს, რომელიც მოქმედებს საქართველოს კანონმდებლობით შესაბამისად.
გრენას ქსელში ჩართული ორგანიზაციების რაოდენობა აღემატება 130-ს (დაახლოებით ოცი ათასი კომპიუტერი), რომელთა უდიდესი ნაწილი მდებარეობს თბილისში. გრენა აგრეთვე აწარმოებს ინტერნეტის მიწოდების საქართველოს 3 ქალაქში: ქუთაისი, ბათუმი და თელავი.
პროექტების განხორციელება მიმდინარეობს უნივერსიტეტებთან და სამეცნიერო ინსტიტუტებთან მჭიდრო თანამშრომლობით და ევროკავშირის, NATO-ს სამეცნიერო პროგრამისა და ფონდი ”ღია საზოგადოება - საქართველოს” მხარდაჭერით.
* ასოციაცია გრენას მიზანია ერთიანი საინფორმაციო კომპიუტერული ქსელის შექმნა, რომელიც გააერთიანებს საქართველოს სამეცნიერო და საგანმანათლებლო დაწესებულებებს, ბიბლიოთეკებს, საუნივერსიტეტო საავადმყოფოებს, საერთაშორისო ორგანიზაციებს და მათი პროგრამებს, რომლებიც მუშაობენ განათლების სფეროში.
* საერთაშორისო ქსელებთან დაკავშირება.
* საგანმანათლებლო და სამეცნიერო ორგანიზაციების საინფორმაციო ქსელებისა და სისტემების განვითარების ხელშეწყობა.
* მომხმარებელთა სწავლება.
* კონფერენციებისა და სემინარების ორგანიზება.
* საქართველოში საინფორმაციო ტექნოლოგიების განვითარების ხელშეწყობა.